ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
სსიპ - ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი 2025-2026 სასწავლო წლის შემოდგომის სემესტრში აცხადებს სტუდენტებისათვის სტაჟირების კონკურსს ფაკულტეტის შემდეგ სტრუქტურულ ერთეულებში:
- დეკანის აპარატი;
- სტუდენტთა მომსახურების ჯგუფი;
- ინტერნაციონალიზაციისა და სამეცნიერო კვლევების სამსახური.
სტაჟირების მიზანია იურიდიული ფაკულტეტის საქმიანობაში სტუდენტების ჩართულობის უზრუნველყოფა და მათი უნარ-ჩვევების განვითარების ხელშეწყობა.
სტაჟირების კონკურსში მონაწილეობის მიღება შეუძლიათ თბილისის სახელმწიფო უნივერსიტეტის იურიდიული ფაკულტეტის სამართლის ან/და საერთაშორისო სამართლის საბაკალავრო (მე-3 სემესტრიდან) ან სამაგისტრო საგანმანათლებლო პროგრამების სტუდენტებს.
სტაჟირების ფორმატი: ჰიბრიდული (დავალების სპეციფიკიდან გამომდინარე).
სტაჟიორის ფუნქციები:
- ფაკულტეტის საქმიანობის, მიზნებისა და ამოცანების შესაბამისად ღონისძიებების, მათ შორის, კონფერენციების დაგეგმვა/ჩატარებისათვის ხელშეწყობა;
- მიმდინარე/ახალი პროექტების მხარდაჭერა;
- სამეცნიერო საქმიანობაში ჩართვა და სხვ.
სტაჟირების ხანგრძლივობა: 4 თვე.
სტაჟირების დასრულების შემდეგ გაიცემა სერტიფიკატი.
დაინტერესებულმა პირმა დოკუმენტაცია უნდა წარმოადგინოს Google Forms-ის საშუალებით შემდეგ ბმულზე.
- პირადობის მოწმობის ასლი;
- CV (ბიოგრაფიული მონაცემები) ქართულ ენაზე;
- ცნობა სტუდენტის სტატუსის შესახებ;
- სამოტივაციო წერილი 1 გვერდამდე;
- ამონაწერი სასწავლო ბარათიდან.
აუცილებლად:
- დაიცავით სამოტივაციო წერილის შედგენის ტექნიკური მხარე: ფონტი - Sylfaen, ფონტის ზომა - 12, Line Spacing – 1.0, ველები - 2სმ.
- დოკუმენტაცია ატვირთეთ ინსტრუქციის შესაბამისად შესაბამისი დასათაურებებით - იხ. Google Forms.
განაცხადი მიიღება 2025 წლის 24 ოქტომბრის ჩათვლით.
კანდიდატთა შერჩევა მოხდება კონკურსის წესით წარმოდგენილი დოკუმენტების შეფასებისა და გასაუბრების საფუძველზე.
დამატებითი კითხვების შემთხვევაში გთხოვთ, მოგვმართოთ შემდეგ ელ-ფოსტაზე: internshiplaw@tsu.ge